Uh! "Real" de Bryuynega qiziqish bildirmoqda. "Shaharliklar" ushbu transfer uchun qancha talab qilishini bilasizmi?

Madridning «Real» klubi agar boshqa yulduz futbolchilarni o'z safiga qo'sha olmasa, u holda «Manchester Siti» yarim himoyachisi Kevin De Bryuyne uchun kurashga kirishishi mumkin.

Xabar berilganidek, hujumchilar Kilian Mbappe va Erling Xoland "Real"ning yozdagi asosiy transfer maqsadlari hisoblanadi. Biroq, ikkala kelishuv ham amalga oshmay qolishi mumkin, chunki frantsiyalik futbolchi "PSJ" bilan shartnomasini uzaytirishni xohlamoqda. Norvegiyalik hujumchiga esa Angliyaning «Manchester Siti» klubi tomonidan ham jiddiy qiziqish bo'lmoqda. Bu holatlar «Real»ni transfer bozorida boshqa variantlarni izlashga majbur qiladi.

Todofichajes nashrining xabariga ko'ra, "qaymoqranglilar" "Manchester Siti" yarim himoyachisi Kevin De Bryuynega qiziqish bildirmoqda. Manbaning ta'kidlashicha, 30 yoshli belgiyalik futbolchi uzoq vaqtdan beri «Real»da o'ynashni orzu qilgan va Madrid klubi bosh direktori allaqachon Angliya Premer-ligasi yulduzining agenti bilan uchrashgan, biroq hozircha muzokaralarda biroz oldinga siljish bo'lmagan.

«Manchester Siti» o'z etakchisi uchun taxminan 100 million evro talab qilishi mumkin.