«Real» Xolandga «Siti»nikiga qaraganda yaxshiroq taklif tayyorlamoqda

«Real Madrid» Erling Xoland bilan kelishuv izdan chiqmasligi uchun qo'shimcha harakatlarni amalga oshirmoqchi.

21 yoshli norvegiyalik yozda «qaymoqranglilar»ning nishoni bo'lib turibdi. Avval xabar qilinganidek, «Manchester Siti» Dortmundning «Borussiya» klubi yulduzini qo'lga kiritish uchun katta imkoniyatga ega, ammo «Real» ham uni qo'ldan chiqarish niyatida emas. Mirror nashri xabariga ko'ra, ispan klubi tez orada yosh hujumchi uchun kurashda raqiblardan g'alaba qozonish uchun Xolandni «maftun etish» uchun yangi taklif jo'natadi. 

Erling Xolandning Dortmundning «Borussiya» klubi bilan shartnomasi 2024 yilgacha mo'ljallangan. Joriy mavsumda norvegiyalik hujumchi 25 o'yinda 23 ta gol va 7 marta jamoadoshlariga assistentlik qildi.