Pogba «MYu»ni tark etishi mumkin

Yarim himoyachi Pol Pogba yozda «Manchester Yunayted»ni tark etib, «Real»ga o'tishi mumkin. Bu haqda Marca nashri xabar tarqatdi.

26 yoshli futbolchining agenti Mino Rayola futbolchining ehtimoliy transferi yuzasidan ish olib bormoqda. Frantsiyalik futbolchining fikricha, hozirgi kunda aynan «Real» unga mos klub hisoblanadi.

Ammo «MYu» frantsiyalik futbolchi bilan xayrlashmoqchi emas. Mankunianliklar 2016 yilda uni «Yuventus»dan 114 million evroga sotib olishgandi.

Shuningdek, Zidan vatandoshini «Real»da ko'rishni istayotganiga qaramay, "Qirollik klubi" rahbariyati uchun Pogba ustuvor maqsad hisoblanmaydi.