«Tottenxem» futbolchisi uchun mavsum yakunlandi

«Tottenxem» himoyachisi Mett Doerti 2021/22 yilgi mavsumda londonliklarga boshqa yordam bera olmaydi.

30 yoshli futbolchi «Aston Villa»ga qarshi 32-tur uchrashuvida tizzasidan jarohat oldi va o'yinning 21-daqiqasida almashtirildi.

The Athletic nashri xabariga ko'ra, Doerti 12 haftagacha safdan chiqadi. «Shporlar»ning Premer-ligadagi so'nggi o'yini 6 haftadan so'ng bo'lib o'tadi.

Doerti iyun oyida Irlandiya Millatlar ligasi o'yinlarini o'tkazib yuborishi mumkin. 

Futbolchi jarrohlik amaliyotiga muhtojmi yoki yo'qmi, hozircha qaror qabul qilinmagan. Jamoa shifokorlari futbolchining tizzasidagi shish ketishini kutishmoqda.

Doerti joriy mavsumda «shporlar» safida Premer-ligada 15 ta o'yin o'tkazdi.