"Arsenal" va "MYu" "Lester" futbolchisi uchun kurashadi

«Lester» yarim himoyachisi Yuri Tilemans Angliyaning grand klublari safiga o'tishi mumkin.

24 yoshli belgiyalik futbolchi yanvar oyida «Arsenal» va «Manchester Yunayted»ga o'tishi mumkin edi, lekin ma'lum sabablarga ko'ra ushbu bitim amalga oshmay qolgandi.

CBS Sports nashri tarqatgan xabarga qaraganda, yozda ikkala da'vogar klublar «Lester» etakchisi bilan shartnoma imzolashga urinishlarini davom ettirishadi.

Tilemansning «tulkilar» bilan shartnomasi bir yildan so'ng tugaydi, shu bois uni 30 million evroga arzonlashtirilgan narxda qo'lga kiritish mumkin bo'ladi.

Yuri Tilemans 2021/22 yilgi mavsumda «Lester» safida 39 ta o'yinda 7 ta gol urgan.