«Yuventus» futbolchisini sotishni rejalashtirmoqda

«Yuventus» yozgi transfer oynasida yarim himoyachi Adrien Raboni sotishni rejalashtirmoqda, deb xabar beradi Football Italia.

Manbaga ko'ra, Turin klubi markaziy yarim himoya chizig'ini kuchaytirmoqchi va Pol Pogba («Manchester Yunayted») yoki Sergey Milinkovich-Savich («Latsio») bilan shartnoma imzolamoqchi. «Yuventus» jamoada joy bo'shatish va maoshni kamaytirish uchun Raboni sotish niyatida.

2021/22 yilgi mavsumda Rabo «Yuventus» safida 37 ta o'yinda maydonga tushib, 3 ta golli uzatmani amalga oshirgan. Transfermarkt portali 27 yoshli frantsiyalik futbolchining narxini 18 million evroga baholamoqda.