Bellingem uchun Angliyadan yana bir xaridor topildi

Dortmundning «Borussiya» klubi yarim himoyachisi Jud Bellingemga APLning yana bir etakchi klubi qiziqish bildirishni boshladi.

Avvalgi xabarlar 18 yoshli futbolchiga «Manchester Yunayted» va «Liverpul»ning qiziqishlari bilan bog'langandi. Fichajes nashri xabariga ko'ra, yosh futbolchiga endi «Manchester Siti» klubi qiziqish bildirishni boshladi.

Angliyalik futbolchining «Borussiya» bilan shartnomasi 2025 yilgacha mo'ljallangan, shuning uchun nemis klubi ushbu transfer uchun juda katta tovon puli so'ramoqda.

Joriy mavsumda Jud Bellingem barcha musobaqalarda "Borussiya"ning 38 ta o'yinida maydonga tushib, 6 ta gol va 13 ta golli uzatmani amalga oshirdi. Transfermarkt portali angliyaning yosh yarim himoyachini 75 million evroga baholamoqda.