Braziliya terma jamoasi hujumchisi uchun ikkita xaridor paydo bo'ldi

«Everton» klubi va Braziliya terma jamoasi hujumchisi Risharlisonga «Nyukasl» va «Tottenxem» klublari qiziqish bildirmoqda.

24 yoshli braziliyalik futbolchini o'z safiga qo'shib olish uchun Evropaning eng kuchli ligalarining ko'plab klublari qiziqish bildirmoqda. Bular: «Arsenal», «Manchester Yunayted», «PSJ», «Barselona» va «Real».

UOL ma'lumotlariga ko'ra, futbolchi uchun kurash yanada shiddatli bo'lib bormoqda, chunki Risharlison Angliyaning «Nyukasl» va «Tottenxem» jamoalari tomonidan ham nishonga olingan.

«Everton» o'z etakchisini 80 million evroga baholamoqda, ammo agar jamoa Premer-ligani tark etsa, bu narx o'zgarishi mumkin.