«Yuventus» jiddiy xaridni amalga oshirishi mumkin

Turinning «Yuventus» klubi rahbariyati yozda «Bavariya» hujumchisi Serj Gnabri bilan muzokara o'tkazmoqchi.

Goal.com xabariga ko'ra, «keksa sinora» o'z safiga «Bavariya» bilan yangi shartnoma borasida hali kelisha olmagan 26 yoshli germaniyalik futbolchini qo'shib olishni xohlaydi. Eslatib o'tamiz, Serj xizmatlariga «Real» ham qiziqish bildirmoqda. Transfermarkt portali Gnabrining narxini 70 million evroga baholamoqda.

Joriy mavsumda Serj Gnabri Germaniya chempionatida 28 ta o'yin o'tkazib, 11 ta gol va 5 ta golli uzatmaga mualliflik qilgan.