«Manchester Yunayted» Pogbaga Bundesligadan o'rinbosar topdi

Goal xabariga ko'ra, «Manchester Yunayted» rahbariyati yarimhimoyachi Pol Pogba yozda jamoani tark etishi mumkinligidan xavotirga tushmoqda, shuning uchun klub frantsuz futbolchisining o'rniga o'rinbosar izlay boshladi. OAV Pogbaning erkin agent sifatida «Real»ga o'tishiga ishonmoqda.

Manbaga ko'ra, mankunianliklar Dortmundning «Borussiya» klubi futbolchisi Jud Bellingem nomzodini ko'rib chiqmoqda. Ingliz futbolchisi 55 million evroga baholanmoqda, ammo «asalarilar» bu transferda kamida 100 million evro ishlab topish haqida o'ylamoqda.

Jud Bundesliganing yangi mavsumida 5 ta uchrashuv o'tkazgan bo'lib, o'z hisobiga 1 ta gol va 1 ta golli uzatmani yozib qo'ygan.