«Barselona» yozda 3 nafar top-futbolchini qo'lga kiritmoqchi

"Barselona" 2022 yilning yozgi transferi uchun rejalarni aniqlab oldi.

"Mundo Deportivo" tarqatgan xabarga ko'ra, "ko'k-anorranglilar" "RB Leyptsig" yarim himoyachisi Dani Olmo, "Manchester Yunayted" yarim himoyachisi Pol Pogba va Dortmundning "Borussiya" klubi hujumchisi Erling Xoland bilan shartnoma imzolamoqchi.

Eslatib o'tamiz, Olmo ushbu yilning yozida "Barsa"ga o'tishga tayyor edi, ammo klublar transfer borasida o'zaro kelishishga ulgurishmadi.

Pogbaning "MYu" bilan shartnomasi joriy mavsum so'ngida yakuniga etadi. Shu bois, u "Kamp Nou"ga erkin agent sifatida o'tishi mumkin.

Xolandga esa Evropaning ko'p jamoalari qiziqish bildirishmoqda. Uni faqat shartnomada ko'rsatilgan badal pulini to'lash evaziga xarid qilish mumkin.