Koman Evropaning top klublari e'tiborida

Fichajes nashrining xabar berishicha, «Bavariya»ning 25 yoshli yarimhimoyachisi Kingsli Koman Evropaning top klublari tomonidan nishonga olingan. Manba bergan xabarga ko'ra, yosh frantsuzning xizmatlariga Turinning «Yuventus», Angliyaning «Tottenxem» va «Liverpul» klublari qiziqish bildirmoqda. Ushbu transfer kelgusi yil yozda amalga oshirilishi mumkin.

Avvalroq, OAV Komanning «Bavariya» bilan amaldagi shartnomasini 2023 yilning yozigacha uzaytirishni rad etganligi xabar qilgandi. Shuningdek, kecha futbolchining nafas olish bilan bog'lliq muammosi bo'lgani uchun yuragidan operatsiya qilingani aytilgandi.

Eslatib o'tamiz, frantsuz futbolchisi joriy yilgi mavsum doirasida 4 ta uchrashuv o'tkazgan.