«Ayaks»ning 20 yoshli himoyachisi London klublari e'tiborida

«Ayaks»ning 20 yoshli himoyachisi Yurren Timber Angliyaning etakchi klublari e'tiborini tortdi. Gollandiyalik futbolchini Londonning «Chelsi» va «Tottenxem» klublari sotib olmoqchi.

Britaniyaning 90min nashri bergan ma'lumotlarga ko'ra, Timber qishki transfer oynasida klubini o'zgartirishi mumkin. Ma'lum bo'lishicha, «Ayaks» yosh himoyachi uchun 11 million evrodan ko'proq tovon puli so'ramoqchi.

Eslatib o'tamiz, yozda Timber Gollandiya terma jamoasi bilan Evropa chempionatiga yo'l oldi, u jarohat olgan Mattias de Ligtning o'rniga maydonga tushdi.