«Arsenal» Ussem Auarni sotib olishda muammoga duch kelishi mumkin

«Lion» yarimhimoyachisi Ussem Auar faoliyatini «Arsenal»da davom ettirishi mumkin.

TodoFichajes nashri xabariga ko'ra, «kanonirlar» rahbariyati kelasi yilning yozida 23 yoshli frantsuzni Angliyaga olib kelmoqchi. Agar, londonliklar Chempionlar Ligasiga chiqa olmasalar, Auarni sotib olishda muammolarga duch kelishlari mumkin. Sababi, futbolchi EChLda o'ynaydigan jamoaga o'tmoqchiligini ma'lum qilgan.

Shuningdek, shartnomasi 2023 yilda tugaydigan Ussem xizmatlariga «Tottenxem», «Liverpul» va «Yuventus» ham qiziqish bildirmoqda.

Eslatib o'tamiz, joriy mavsumda Auar Frantsiya chempionatida beshta o'yin o'tkazdi va ikkita golli uzatmani amalga oshirdi.