«MYu» APL transfer rekordini yangilashi mumkin

"Manchester Yunayted" klubi kelgusi yilning yozida "Vest Xem" yarim himoyachisi Deklan Raysni qo'lga kiritish uchun jiddiy bel bog'lagan.

"Todofichajes" tarqatgan xabarga ko'ra, "qizil iblislar" 22 yoshli futbolchi uchun 117 million evro taklif qilishlari mumkin. Bu esa APL uchun rekord hisoblanadi.

Eslatib o'tamiz, Premer-liganing ayni paytdagi eng qimmat transferi Jek Grilishning "Aston Villa"dan "Manchester Siti"ga o'tishi bo'lib turibdi. "Shaharliklar" mazkur futbolchi uchun 116 million evro to'lashdi.

Avvalroq Raysga "Liverpul", "Manchester Siti" va "Chelsi" klublari qiziqish bildirayotgani haqida xabarlar tarqalgandi.