"Bavariya" Levandovsiki o'rniga ikkita nomzod topdi

Hujumchi Robert Levandovskining "Bavariya" bilan amaldagi shartnomasi 2023 yilda tugaydi va agar polshalik futbolchi yangi shartnoma imzolashdan bosh tortsa, myunxenliklar hujumga o'rinbosar izlashga majbur bo'ladi.
Sport1 nashrining xabar berishicha, nemis klubi Levandovski ketgan taqdirda uning o'rniga ikkita nomzod topib qo'ygan. Birinchisi, "Borussiya D" futbolchisi Erling Holand. Ammo, manbada aytilishicha, norvegiyalikning Bundesligada qolishi unchalik aniq emas va futbolchining agentlar Erling uchun katta pul talab qilishadi.

Ikkinchisi esa Londonning"Chelsi" klubi futbolchisi Timo Verner. "Bavariya" bosh murabbiyi Yulian Nagelsmann nemis hujumchisi bilan yaxshi tanish, sababi, ular bir paytlar "Leyptsig"da birga ishlashgan. "Nemis mashinasi" Timoning Germaniyaga qaytarishi uchun uning "aristokratlar" tarkibida oladigan yuqori maoshi to'sqinlik qilishi mumkin.

Agar Levandovski yangi shartnoma imzolashga rozi bo'lsa, unda bavariyaliklar keyingi bir necha yil davomida yangi hujumchi bilan shartnoma imzolashga hojat qolmaydi.