"Liverpul" Pedrini 100 million evro evaziga sotib olishga urinib ko'radi

OK Diario nashri xabariga ko'ra, "Liverpul" klubi rahbariyati ispaniyalik 18
yoshli yarimhimoyachi Pedrining o'yinini kuzatmoqda va kelasi yozda uning shartnomasini
100 million evroga sotib olishni rejalashtirmoqda.

 Pedri 2020 yil "Las-Palmas"dan 20 million evro evaziga ko'chib o'tgan. Debyut mavsumida yosh ispan nafaqat "Barselona", balki Ispaniya terma jamoasi tarkibida ham ajoyib o'yinlar o'tkazdi.

Ammo, "ko'k-anorranglilar"ning shartnomasi 2022 yilning yozida tugaydigan Pedrini qo'yib yuborishi ehtimoldan yiroq. Chunki, kataloniyaliklar shartnomani yana ikki mavsumga uzaytirish imkoniyatiga ega.

Bundan tashqari, "Barsa" 500-700 million evro miqdoridagi tovon puli evaziga, futbolchi bilan yangi shartnoma tuzish uchun muzokaralarni davom ettirmoqda.