"Atletiko" qishda Gosensni sotib olishga harakat qiladi

"Atalanta" himoyachisi Robin Gosens faoliyatini "Atletiko"da davom ettirishi mumkin.

 Saul Nigezning "Chelsi"ga ijarasi va "Barselona"dan Antuan Grizmann qaytishi paytida, "matraschilar" rahbariyati chap qanot himoyachisi sotib olish
uchun bergamoliklar bilan ham muzokara olib bordi.

Jurnalist Janluka Di Martsioning ma'lum qilishicha, Diego Simeone Gosensni o'z jamoasida ko'rishni juda xohlardi, chunki u ketayotgan Saulga o'rinbosar qidirayotgan edi.

Ta'kidlanishicha, "Atalanta" Robinni sotishga qarshi emas edi, ammo taklif kech bo'lganligi sababli, bu kelishuv amalga oshmadi.

Manbaning ta'kidlashicha, "Atletiko" yangi taklif bilan yanvar oyida yoki mavsum oxirida qayta rasmiy so'rov yuborishi mumkin.