"Bavariya", "Liverpul" va "Barselona" germaniyalik yosh iqtidorga xaridor

"Bavariya", "Liverpul" va "Barselona" klublari "Zaltsburg" hujumchisi Karim Adeyemiga qiziqish bildirmoqda, deb xabar beradi Bild nashri.
Germaniyalik futbolchining "buqalar" bilan amaldagi shartnomasi 2024 yilning yozigacha amal qiladi. Joriy mavsumda u 9 ta o'yinda maydonga tushib, 7 ta gol va 1 ta golli uzatmani amalga oshirgan.

Ma'lumot o'rnida, yaqinda Karim Adeyemi Germaniya terma jamoasida Armanistonga qarshi o'yinda debyut qildi va gol urdi.

Eslatib o'tamiz, kataloniyaliklar 2019 yilda germaniyalik hujumchiga e'tiborini qaratgan edi. Ammo, o'sha paytda bunga "Barsa"ning imkoniyati to'g'ri kelmagandi.