"Chelsi" va "Siti" 21 yoshli kolumbiyalik futbolchiga qiziqish bildirmoqda

"Milonarios" hujumchisi Emerson Rodriges faoliyatini Angliya chempionatida davom ettirishi mumkin.

Kolumbiyalik futbolchi endigina 21 yoshga to'ldi, lekin Oliy Ligada allaqachon 30 ta o'yin o'tkazib, 5 ta gol va 5 ta golli uzatmani amalga oshirgan.

Yosh futbolchining agenti Diego Karannante Italiya OAVga bergan intervyusida "Manchester Siti" va "Chelsi" mijoziga qiziqish bildirayotganini aytdi.

"Hujumkor vinger "Manchester Siti" va "Chelsi" agentlari tomonidan ko'rib chiqilmoqda. Ma'lum bo'lishicha, Emerson Rodriges Rivaldo kelasi mavsumni ushbu klublardan birida davom ettirishi mumkin", - deydi agent.