"Real" futbolchisi Bundesligada o'zini yaxshi his qilmayapti

"Borussiya Dortmund" klubi "Real"dan ijaraga olgan Reyner Xesusni eski klubiga qaytarib yuborishi mumkin. "BILD" nashri xabariga ko'ra, nemis klubi 19 yoshli braziliyalikni harakatlaridan qoniqish hosil qilmayapti.

Reyner 2020 yilning avgust oyida 2 yillik ijara shartnomasi bilan "Dortmund" safiga borib qo'shilgan edi. Futbolchi bir yil davomida klub uchun 20 ta bahsda o'ynab, 1 ta gol va 1 ta assist amalga oshirgan.

Braziliya yoshlari tarkibidagi futbolchini "Real Madrid" bilan amaldagi shartnomasi 2026 yilgacha mo'ljallangan. U o'tgan yili "Flamengo"dan La liga gigantiga o'tgan edi.