"Tottenxem" va "Milan" o'zaro futbolchi almashishmoqchi

"Tottenxem" va "Milan" o'zaro futbolchi almashishi mumkin, deb xabar bermoqda Calcio Mercato nashri.
Manbaga ko'ra, "shporlar" Frank Kessi evaziga Italiya klubiga o'z futbolchisi Tangi Ndombeleni taklif qilishga tayyor.

Frantsuz futbolchisi londonliklar bosh murabbiyi Nunu Eshpiritu Santuning rejalariga kiritilmagan, shuning uchun klub u bilan xayrlashmoqchi. Xabarlarga ko'ra, "shporlar" "Milan"
bilan shartnomasini uzaytirishdan bosh tortgan Kessi bilan shartnoma imzolamoqchi. Italiya klubi esa ivuarlik futbolchini saqlab qolishga umid qilmoqda.


Eslatib o'tamiz, Ndombelening "Tottenxem" bilan shartnomasi 2025 yilgacha amal qiladi. Kessining "Milan" bilan shartnomasi esa kelasi yili yakuniga etadi.