"Chelsi" "Bavariya" vingerini sotib olmoqchi

Londonning "Chelsi" klubi kelasi yili "Bavariya"ning hujumkor yarimhimoyachisi Leroy Saneni transfer qilmoqchi.

 "Manchester Siti"dan Germaniya chempionatiga qaytganidan so'ng, 25 yoshli vinger jiddiy qiyinchiliklarga duch keldi, chunki u "nemis mashinasi" tarkibida o'z o'rnini topa olmadi. Daily Express nashri xabariga ko'ra, "aristokratlar" bosh murabbiyi Tomas Tuxel uzoq vaqtdan beri Sanening iqtidoriga qoyil qoladi va yanvarda yoki kelasi yozda futbolchini sotib olishni reja qilgan.

Manbaning ta'kidlashicha, Tuxel jamoaning asosiy tarkib futbolchilaridan birini sotib, Sanega joy ajratmoqchi. Bu ro'yxatga vinger Kallum Xadson-Odoi, pleymeyker Hakim Ziesh va Kristian Pulishich kirishi mumkin.