"Arsenal" futbolchisi turk klubiga o'tmaydigan bo'ldi

"Arsenal" yarimhimoyachisi Muhammad El-Nenining "Galatasaroy"ga o'tishi muvaffaqiyatsiz yakunlandi, deb xabar beradi Milliyet nashri.

Manbaga ko'ra, 29 yoshli misrlik futbolchining 15 million evroga transferi allaqachon kelishilgan, biroq bu kelishuvga turk klubi prezidenti Burak Elmas qarshilik qilgan. Ma'lum bo'lishicha, u futbolchining maoshi haqidagi so'rovlarini juda yuqori deb hisoblagan va Nenini sotib olishdan bosh tortishga qaror qilgan.


2021/22 yilgi mavsumda El-Neni "Arsenal"ning ikkita o'yinida qatnashdi va samarali harakatlari bilan ajralib turmadi.
Transfermarkt portali futbolchining qiymatini 10 million evroga baholamoqda.