"Yuventus" futbolchisi qishda APL klubiga o'tishi mumkin

"Aston Villa" "Yuventus" yarimhimoyachisi Ueston Makkenniga qiziqish bildirmoqda, deb xabar beradi The Sun nashri.

Manbaning xabariga ko'ra, ingliz klubi 23 yoshli amerikalikni qishki transferlar vaqtida sotib olmoqchi. Ma'lum bo'lishicha, "Yuventus" o'tgan yozgi transfer oynasida futbolchi bilan xayrlashishga tayyor edi, lekin xaridor topa olmadi.  

Makkenni "Yuventus" safida 2020 yil sentyabr oyidan beri o'ynaydi, jamoa safida 47 o'yinda 6 gol va 3 golli uzatma amalga oshirgan.
Transfermarkt portali futbolchining qiymatini 25 million evroga baholamoqda.