Qishda "Chelsi" navbatdagi "bomba" transferni amalga oshirmoqchi

Londonning "Vest Xem" klubiga markaziy himoyachi Kurt Zuma ketganidan so'ng, "Chelsi"
rahbariyati Jyul Kunde bilan bo'lgan muzokaralarni muvaffaqiyatsiz yakunlab, yangi futbolchi bilan shartnoma imzolay olmadi.
 
Football.London nashri xabariga ko'ra, "aristokratlar" xo'jayinlari qishki transferlar mavsumida ushbu bo'shliqni to'ldirishni maqsad qilgan va "Napoli" markaziy himoyachisi Kaladu Kulibalini
sotib olishga harakat qilishadi.

Ta'kidlanishicha, senegallik himoyachi Tomas Tuxelning qisqa ro'yxatiga kiritilgan. Biroq, London klubi ba'zi muammolarga duch kelishi mumkin. Sababi, 30 yoshli Kulibalining neapolliklar bilan amaldagi shartnomasi 2023 yilgacha tuzilgan va Italiya klubi futbolchi uchun kamida 30-40 million funtlik tovon puli evaziga qo'yib yuborishi mumkin.