"Barselona" 2022 yilda turkiyalik yana bir yoshni tarkibga jalb qiladi

"Barselona" klubi 2022 yilda turkiyalik Emre Demir bilan shartnoma imzolashni rejalashtirmoqda. "Mundo Deportivo" nashri xabariga ko'ra, bu shartnoma tez orada amalga oshiriladi.

17 yoshli yarim himoyachi hozirda "Kayserispor" klubi futbolchisi hisoblanadi. U 18 ga to'lgach, jamoasini ijara asosida tark etishi kutilmoqda. "Barsa" futbolchi uchun 2 million evro atrofida to'lov qilib, uni klubga olib kelmoqchi.

Demir 15 yoshida o'z klubida debyut o'yinini o'tkazgan. U Turkiya yoshlar terma jamoasi safida muvaffaqiyatli harakatlari bilan ajralib turadi.