"Valensiya" so'nggi soniyalarda bitimni boy bergan

"Valensiya" klubi so'nggi soniyalarda "Real" hujumchisi Mariano Diaz transferi borasida muvaffaqiyatsizlikka uchragan. Xabarlarga ko'ra, bu transferni "Valensiya" ustozi Xose Bordalas istagan.

U yangi mavsum uchun jamoasining hujum chizig'ini kuchaytirishni reja qilgan. Diazning agenti David Aranda amalga oshmagan transfer haqida shunday deydi:

"Bu transfer juda aniq edi. Diaz 31 avgust kuni "Valensiya"ga qo'shilishi kerak edi. Bitim uch tomonlama kelishib qo'yilgan edi. Diaz ham yangi jamoada o'zini ko'rishni istayotgan edi. Ammo qandaydir narsa sabab bu bitim amalga oshmay qoldi".

Mariano Diaz Madridda yangi mavsumda o'z o'yinlarini davom ettiradi.