«Real» yanvar oyida Mbappe bilan shartnoma imzolamoqchi

Frantsiya terma jamoasi va "Pari Sen-Jermen" hujumchisi Kilian Mbappe katta ehtimol bilan kelgusi yilning yozida "Real" a'zosiga aylanadi.

Jurnalist Serxio Kirante xabar tarqatishicha, "Qirollik klubi" yanvar oyidayoq forvard bilan shartnoma imzolaydi. Mbappe esa joriy mavsum so'ngida erkin agent sifatida "Real" safiga o'tadi.

Shuningdek, Kilianning o'zi ham faoliyatini "Madrid"da davom ettirishga umid qilmoqda.

Eslatib o'tamiz, "Real" yozgi transfer paytida Mbappeni sotib olishga harakat qildi, ammo "Pari Sen-Jermen" madridliklarning barcha taklifiga rad javobini berdi. Parijliklar endi frantsiyalik futbolchi bilan shartnomani uzaytirishga harakat qilishmoqda. Kilian esa "PSJ"ning bu taklifini rad qilmoqda.