«Barselona»da yana bir de Yong paydo bo'ldi: klub o'z tarkibini «Sevilya» hujumchisi bilan kuchaytirdi

"Sevilya" hujumchisi Lyuk de Yong "Barselona" safiga o'tdi. Bu haqda "Mundo Deportivo" xabar tarqatdi.

Manbaga ko'ra, kataloniyaliklar La ligada transfer oynasi yopilguniga qadar futbolchini ro'yxatdan o'tkazishga ulgurgan. "Barselona" Lyuk de Yong bepul ijaraga oldi, ammo uning maoshini to'liq to'lab beradi.

31 yoshli de Yong 2019 yildan buyon "Sevilya" sharafini himoya qilib kelayotgan edi. Shu paytgacha u 94ta o'yinda maydonga tushib, 19ta gol va 5ta assist muallifiga aylandi.

Lyuk faoliyati davomida "De Grafsxap", "Tvente", "Borussiya" (Menxengladbax), "Nyukasl" va PSV klublarida to'p tepgan. Shuningdek, futbolchi Niderlandiya terma jamoasi tarkibida 38ta o'yinda maydonga tushib, 8ta gol urgan.

A post shared by FC Barcelona (@fcbarcelona)