«Arsenal» futbolchisi Ispaniyaga yo'l oladi

«Arsenal» klubi futbolchisi Ektor Belerin La liga vakili «Real Betis»ga ijaraga berilishi mumkin. Xabarlarga ko'ra, ispaniyalik himoyachi seshanba kungi muddatdan ilgari Betis jamoasi tibbiy ko'rigidan o'tkazilishi kutilmoqda.

26 yoshli futbolchi 2011 yilda «Arsenal» tarkibiga «Barsa» akademiyasidan kelib qo'shilgan. U ko'p yillar jamoaning asosiy tarkib futbolchisi bo'lib keldi. Ammo Mikel Arteta qo'l-ostida tarkibdan tushib qola boshladi.

Shu sabab Belerin Ispaniyaga yo'l oladi. Uning kanonirlar bilan amaldagi shartnomasi 2023 yilgacha mo'ljallangan.