Ronaldu «Barselona»ga o'tishga rozi bo'lgan edi

“Yuventus”dan “Manchester Yunayted”ga o'tgan hujumchi Krishtianu Ronaldu “Barselona”ga ham o'tishga rozi bo'lgan.

Diario Sport Catalunya Radio'ga tayanib xabar berishicha, futbolchining agenti ispan klubiga hujumchini sotib olishni taklif qilgan, biroq “Barsa” bu variantni ko'rib chiqishdan darhol voz kechgan.

Ma'lumot uchun, Ronaldu avval ham Ispaniyada o'ynagan. U 2009 yildan 2018 yilgacha “Real” bilan ikki marta La Liga, Ispaniya kubogi va Superkubogini yutgan, shuningdek, to'rt marta Chempionlar Ligasida zafar quchgan.