«Real» taklifni 200 mln evroga oshirish haqida o'ylamoqda

«Real» klubi «PSJ» hujumchisi Kiliana Mbappega transferi uchun taklifni yana oshirishi mumkin.

"Sky Sport" jurnalisti Anjelo Manjante xabar tarqatishicha, madridliklar rahbariyati "Pari Sen-Jermen"ga yuboradigan uchinchi taklifni 200 million evro ko'tarish haqida o'ylamoqda.

Manbaning aytishicha, ayni paytda tomonlar muzokaralarni davom ettirishmoqda.

«Real» Mbappening transferini amalga oshirishga ishonch bilan qaramoqda, «PSJ» esa muzokaralarda qochmayotgan bo'lsa-da, futbolchini o'zi istagan narxga sotmoqchi.

Avvalroq «Madrid» Kilian uchun 170+10 million evro ko'rinishida taklif bilan chiqqan edi. Ammo bu taklif parijliklarni qanoatlantirmagan edi.