London klubi Rossiyadan futbolchi xarid qiladi

"Vest Xem" Rossiyaning "SSKA" klubi hujumchisi Vikola Vlashich uchun 25,8 million funt berishga rozi, deb xabar beradi "Guardian" nashri. "Bolg'achilar" yaqinda "Chelsi"dan Kurt Zuma transferini e'lon qilgan edi.

Frantsiya terma jamoasi a'zosi jamoa bilan 4 yillik bitim tuzgan. Endilikda London klubi yangi hujumchi xaridini amalga oshirishi kerak. Devid Moyes muddat tugashidan ilgari ushbu xaridni yakunlamoqchi. Hujumchi Moskvaga "Everton"dan yo'l olgan edi.

Vlashich liga bahslarida o'tgan yili 33 gol hamda 21 ta assist amalga oshirgan. Avvalroq "Vest Xem" Jessi Lingard xaridini rasmiylashtirmoqchi ekani haqida xabar qilingan edi. Shuningdek, London klubi unga 15 million funt ajratishga tayyor ekanini bildirgan.