"Real" "PSJ"ga muhlat berdi

"Real" Parij klubiga Mbappe uchun yuborilgan taklifni qabul qilish uchun muddat belgiladi. "El Chiringuito" nashri muxbiri Xosep Pedrerol so'zlariga ko'ra, madridliklar "PSJ" uchun dushanba kuni kech soat 6 gacha muhlat bergan.

La liga giganti 170 million evro va yana 10 million bonuslarga ega bo'lgan jami 180 million evrolik taklif bilan chiqqan edi. Transferlar oynasi yopilishiga uch kundan kam muddat qolmoqda. Ammo Fransiyadan hali ham ijobiy xabar kelmagan.

Mbappe esa bugungi "Reyms"ga qarshi bahsda maydonga tushirilishi kutilmoqda. Shuningdek, bu o'yin Messining debyutiga ham ega bo'lishi aytilgan.