"Borussiya D" "MYu" futbolchisiga xaridor

Dortmundning "Borussiya" klubi yozgi transfer oynasi yopilishidan oldin yangi himoyachi bilan shartnoma imzolamoqchi.

Sky Sports nashri xabariga ko'ra, "asalarilar" xo'jayinlari "Manchester Yunayted" himoyachisi Diogo Dalotning transferi borasida muzokara olib bormoqda. Germaniya grandi 22 yoshli portugaliyalikni kelasi yoz shartnomasini sotib olish huquqi bilan bir mavsumga ijaraga olishi kutilmoqda.

Eslatib o'tamiz, o'tgan mavsum Diogo "Milan"da ijarada o'ynagan, u A Seriyada 21 ta o'yin o'tkazib, ikkita samarali harakatni qayd etgan.