Turkiya terma jamoasi a'zosi Madrid klubiga o'tishi mumkin

"Lill" himoyachisi Zeki Chelik Ispaniyaga ko'chib o'tishi mumkin. Jurnalist Fabritsio
Romanoning tvitterdagi xabariga ko'ra, "Atletiko" Turkiya terma jamoasi himoyachisini sotib olmoqchi.

Manbaga ko'ra, Madrid klubi 24 yoshli turk bilan muzokaralarni boshladi. Transfermarkt portali futbolchining narxini 20 million evroga baholamoqda.

Bu mavsumda Chelik Frantsiya chempionatining ikkita o'yinida maydonga tushdi. O'tgan
mavsumda u barcha turnirlarda 35 o'yinda maydonga tushib, 4 gol urdi va 3 golga uzatma berdi. Evro-2020da u uchta o'yinda maydonga tushdi.