«Brayton» futbolchisi Afrikaga yo'l oldi

Misrning «Al-Ahli» klubi «Brayton»dan Persi Tau transferini e'lon qildi. Bu haqda kecha klub o'z rasmiy saytida ma'lumot bergan.

27 yoshli hujumchi o'tgan mavsumda APL doirasida bor-yo'g'i 6 ta o'yinda maydonga tushirilgan va 1 ta golli uzatmaga mualliflik qilgan. U 2018 yilda braytonliklar safiga qo'shilgan edi.

48  marta Misr, 10 marta Afrika chempioni bo'lgan klub, Persi Tau bilan shaxsiy shartlarni avgust oyining boshidayoq kelishib olgan edi. Klub dekabr oyida bo'lib o'tadigan Jahon chempionatiga tayyorgarlikni davom ettirmoqda.