"Tottenxem" "Real" himoyachisiga qiziqish bildirmoqda

"Real" himoyachisi Alvaro Odriosola faoliyatini "Tottenxem"da davom ettirishi mumkin, deya xabar beradi Football Italia nashri. Manba bergan xabarga ko'ra, "shporlar" ispaniyalikka jiddiy qiziqish bildirgan.

Avvalroq, Odriosola Florentsiyaning "Fiorentina" klubiga o'tishga yaqinligi haqida xabar berilgandi, biroq futbolchining o'zi hali bitimga rozi emas. "Tottenxem" bu vaziyatdan foydalanishi mumkin. London klubi Frantsiya chempionatiga qaytishi mumkin bo'lgan Serj Orega o'rinbosar qidirmoqda.

Eslatib o'tamiz, Odriosola 2018 yilda "Real Sosedad"dan 30 million evro evaziga ko'chib o'tib, "Real" futbolchisiga aylandi. Uning Madrid klubi bilan shartnomasi 2024 yilgacha tuzilgan.