Ronaldu «Manchester Siti»ga o'tsa, maoshi ancha kamayib ketadi

"Manchester Siti" klubi "Yuventus" hujumchisi Krishtianu Ronaldu bilan shartnoma imzolash varinatini ko'rib chiqmoqda.

Jurnalist Nikolo Skira xabar tarqatishicha, "shaharliklar" 36 yoshli futbolchiga yillik maoshi 15 million evroga teng ikki yillik shartnoma taklif qilmoqda.

Ma'lumotlarga qaraganda, portugaliyalik futbolchining agenti Jorje Mendesh o'z mijozining kelajagini "Yuventus" rahbariyati bilan muhokama qilish uchun Turinga kelgan.

Eslatib o'tamiz, Krishtianuning "Yuve" bilan amaldagi shartnomasi kelasi yilning yozida yakuniga etadi.

Manba: soccernews.ru