"Arsenal" olti nafar futbolchisini transferga qo'yadi

"Arsenal" transfer oynasi tugagunga qadar olti futbolchi bilan xayrlashmoqchi, deb xabar beradi Express Sport nashri. Ro'yxatga Eynsli Meytlend-Naylz, Ektor Belerin, Sead Kolashinats, Reyss Nelson, Lukas Torreyra va Eddi Nketia kiradi.

Villian ham jamoani tark etadi va "Korintians" klubi bilan shartnoma imzolash uchun Braziliyaga qaytishga yaqin turibdi. Lukas Torreyra yaqin vaqt ichida ijara asosida "Fiorentina"ga o'tishi kerak. Boshqa futbolchilar uchun hozircha taklif yo'q.

Eslatib o'tamiz, yozda "Arsenal" ga Martin Edegor, Aaron Ramsdeyl, Nunu Tavaresh, Ben Uayt va Albert-Mboyo Lokonga qo'shildi. Jo Uillok esa 30 million evro evaziga "Nyukasl"ga o'tgan.