"Tottenxem"ga "Yuventus" futbolchisi kerak

«Tottenxem» «Yuventus» yarimhimoyachisi Ueston Makkenni bilan shartnoma imzolamoqchi, deya xabar bermoqda "Calcio Mercato" nashri.

Manbaning xabariga ko'ra, “shporlar” joriy mavsum oxiriga qadar futbolchini ijaraga olishni rejalashtirmoqda.

Qayd etilishicha, «Yuventus» Makkennining ketishiga rozi, lekin uni faqat sotish haqida o'ylamoqda.

Eslatib o'tamiz, 22 yoshli futbolchi o'tgan mavsum A Seriyaning 34 o'yinida maydonga tushib, o'z hisobiga 5 ta gol yozdirib qo'ygan.