«Everton» Chempionshipdan 5 million funtga futbolchi xarid qilmoqchi

«Sheffild» klubi mablag' to'plash uchun yana bir futbolchisini sotishga qaror qildi. Klubning 18 yoshli hujumchisi Daniel Jebbison dastavval ijaraga berilishi tahmin qilingan bo'lsa, keyinchalik esa moliyaviy muammolar sababli uni sotishga qaror qilingan.

Xabarlarga ko'ra, yosh futbolchi uchun  «Everton» asosiy da'vogar sifatida ko'rilmoqda. Ular Jebbisonga 5 million funtgacha mablag' ajratishi mumkin. Shuningdek, futbolchi uchun «Lids», «Aston Villa» hamda «Brenford»dan ham qiziqishlar bo'lgan.

Jebbison «tig'chilar»ga 2018 yil qo'shilgan edi. Avvalroq klub o'z darvozaboni Ramsdeylni «Arsenal»ga 30 million funtga sotgan edi.

Manba: teamtalk.com