Kunde «Chelsi» bilan shaxsiy shartnoma shartlarini kelishib oldi

Kecha turli manbalar Jyul Kunde vakillari Londonning "Chelsi" klubi bilan muzokaralar olib borgani haqida xabar berishdi.

Ayni damda frantsuz himoyachisi amaldagi Chempionlar ligasi g'olibidan shartnoma shartlarini qabul qildi va og'zaki ravishda transferga rozi bo'ldi. Bu haqda taniqli futbol insayderi Fabritsio Romano xabar qilgan.

22 yoshli futbolchi, agar klublar transfer summasi borasida kelisha olsa, 2026 yilning yozigacha shartnoma imzolaydi. Mish-mishlarga ko'ra, har ikki tomon ham deyarli barcha tafsilotlarni hal qilishgan va "Chelsi" ispanlarga 40 million evroga yaqin pul to'laydi.

O'tgan mavsumda frantsiyalik futbolchi "Sevilya" safida barcha turnirlarda 34 ta o'yinda maydonga tushib, ikkita gol urgan edi.