"Manchester Siti" Obameyangga taklif yubormoqchi

"Manchester Siti" "Arsenal" hujumchisi Per-Emerik Obameyangni sotib olish haqida o'ylamoqda.

Agar, "shaharliklar" rahbariyati "Tottenxem" bilan Xarri Keynni transferi bo'yicha muzokaralarda ijobiy natijaga erisha olmasa, ular "kanonirlar"ning gabonlik
futbolchisini sotib olishga harakat qilib ko'radi. Bu haqida Daily Telegraph nashri ma'lum qilgan.

Jurnalist Charli Nikolasning aytishicha, Obameyang "Arsenal"ni tark etishga tayyor va klub ham o'zining eng ko'p maosh oladigan futbolchisini saqlab qolish haqida o'ylamayapti.

Manbaning ta'kidlashicha, to'pchilar Obameyangni 45 million funt sterlingga sotishga tayyor, bu Keyn qiymatidan deyarli 100 million funtga kam.