"Yuventus" va "Tottenxem" o'zaro yarimhimoyachi almashishi mumkin

Turinning "Yuventus" klubi yarim himoyachisi Ueston Makkenni faoliyatini Angliya Premer-ligasida davom ettirishi mumkin.

Tuttosport xabariga ko'ra, Londonning "Tottenxem" klubi Tangi Ndombelega o'rinbosar
sifatida qaraydigan 22 yoshli amerikalik yarimhimoyachini sotib olmoqchi.

Manbaning ta'kidlashicha, Makkenni Ndombeleni "Yuventus"ga o'tkazish bo'yicha kelishuvning bir qismiga aylanishi mumkin va frantsuzning 50 million evrolik transfer bahosidan taxminan 30 million evroni qoplashi mumkin.

Eslatib o'tamiz, Ueston o'tgan mavsum A Seriyada 34 o'yin o'tkazdi, 5 gol urdi va 2 golga uzatma berdi.