«Chelsi» La liga yulduzi uchun katta harajat qilishga tayyor

«Chelsi» «Barselona» tarbiyalanuvchisi Ilyash Moriba uchun eng asosiy da'vogarga aylandi. Xabarlarga ko'ra, London klubi 18 yoshli futbolchi uchun da'vogarlik qilayotgan «Manchester Siti» hamda «Leypsig»dan ko'ra ko'proq qiymat taklif etadi.

Moribani Kataloniyada yana bir yillik bitimi mavjud. Shu sabab klub uni yaxshi taklif uchun sotib yuborishi mumkin. «Siti» futbolchini keyingi yilgacha kutib, tekin transfer qilmoqchi bo'lsa, «Leypsig» u uchun 20 million evro to'lashga rozi.

«Chelsi» esa Moriba uchun Bundesliga klubidan kattaroq narx taklif etadi. Shuningdek, London giganti «Monako»dan Tchomeni hamda «Atletiko»dan Saul Nigez xaridi uchun  qiziqish bildirgan.