"Atletiko" "Gerta" futbolchisini sotib olishga yaqin

Madridning "Atletiko" klubi "Gerta"dan Kunyani sotib olishga yaqin. Bu haqda jurnalist Janluka Di Martsio o'z rasmiy saytida xabar bermoqda. Qayd etilishicha, tomonlar futbolchining transferi bo'yicha 30 million evroga kelishgan. Bugun futbolchining agenti o'z mijozining transferini yakunlamoqchi. 

Kunya 2020-yil yanvaridan Leysigdan "Gerta" safiga ko'chib o'tgan. Futbolchining klub bilan
shartnomasi 2025-yilgacha tuzilgan. Germaniya chempionatining so'nggi mavsumida Kunya
"Gerta" safida 27 ta o'yinda maydonga tushib, 7 ta gol va 4 ta golli uzatmani amalga oshirgan.
Shuningdek, u Germaniya kubogida bitta o'yinda bitta gol va ikkita golli uzatmani amalga oshirdi.