"Tottenxem" Keynga o'rinbosar topdi

Londonning "Tottenxem" klubi, nihoyat, "Manchester Siti" bilan Xarri Keyn transferi borasida muzokraga kelganga o'xshaydi. Endi "shporlar" o'z sardoriga o'rinbosar qidirmoqda.

Italiyalik insayder Fabritsio Romano tvitterda London klubi "Inter" hujumchisi Lautaro Martines xizmatlariga qiziqish bildirayotganini yozdi.

Uning transfer qiymati 80 million evroni tashkil qiladi va "neradzurrilar" bilan shartnoma 2023 yilning yozigacha amal qiladi.

2018 yilda "Inter" Lautaro Martines uchun 25 million evro to'lagan. O'shandan beri argentinalik futbolchi 132 ta o'yinda maydonga tushib, 49 ta gol urdi va 20 ta golli uzatmani amalga oshirdi.