Xames APLning boshqa klubiga o'tishi mumkin

Star nashri xabariga ko'ra, "Everton" yarim himoyachisi Xames Rodriges faoliyatini APLning boshqa klubida davom ettirishi mumkin.

Manbaga ko'ra, "Nyukasl" 30 yoshli kolumbiyalikni o'z safiga qo'shib olishga harakat qilmoqda. Ma'lum bo'lishicha, yaqin kunlarda "Nyukasl" rahbariyati futbolchining
transferi borasida muzokara o'tkazmoqchi.

Avvalroq, "Everton"ning yangi bosh murabbiyi Rafael Benites Xamesga ishonmasligi haqida xabar berilgandi. Shuningdek, bir necha kun avval kolumbiyalikka Madridning "Atletiko" klubi ham qiziqish bildirgani aytilgandi.